Շուտ բաժանության 5 տագնապալի նշան ըստ հարսանեկան լուսանկարիչների

 

Ներկայացնում ենք շուտ բաժանության 5 տագնապալի նշան ըստ հարսանեկան լուսանկարիչների:

1. Լուսանկարվել չցանկանալ

Լինում է, երբ զուգընկերներից մեկն իրեն անհարմար է զգում տեսախցիկի առաջ և ամաչում է: Եվ դա նորմալ է: Լինում է նաև, որ նորապսակներից մեկը բոլորովին տրամադրված չէ զիջման գնալու հանուն սիրելիի և հիստերիա է բարձրացնում հենց հարսանիքին՝ կտրականպես հրաժարվելով մասնակցել նկարահանմանը: Այդպիսի մարդիկ հաճախ սպառնում են լուսանկարիչներին: Վերջինները նկատում են, որ այդպիսի մարդկանց ամուսնությունը մի քանի ամիս է տևում:

Հոգեբանները համակարծիք են, որ փոխզիջման գնալու ունակությունը երկարաժամկետ հարաբերությունների գրավական է:

 

2. Սարկաստիկ կատակներ

Շատ լուսանկարիչներ աշխատում են խուսափել բեմադրված լուսանկարներից, որոնցում հարսը և փեսան ոչ գեղեցիկ լույսի ներքո են ներկայանում: Օրինակ՝ մեկը մյուսի մազերն է քաշում կամ սպառնում խոհանոցային դանակով: Բայց հարսանիքը տոն է, երբ ուզում ես երջանիկ պահեր պատկերել: Լուսանկարիչների համար այդպիսի նկարահանման հարցում պնդող զույգերը հայտնվում են պոտենցիալ փլուզվելիք զույգերի շարքում: Օրինակ՝ երբ տորթը կտրելիս նորապսակներից մեկը չնայած նախազգուշացումներին՝ տորթը քսում է սիրելիի դեմքին, մյուսն էլ փորձում է պատժել:

Քննադատության, արհամարհանքի, նեղացկոտության և դիմադրության համադրությունը հարաբերություններում հոգեբանները բացահայտորեն անվանում են «բաժանության բաղադրատոմս»:

 

3. Հարսի և փեսայի համատեղ քիչ լուսանկարներ

Լուսանկարների առատությունը, որոնցում փեսան իր ընկերների հետ է, հարսը՝ իր, ամուսնության լավ ելք չի կանխորոշում: Իհարկե, հյուրերին պետք է ուշադրություն դարձնել: Բայց ըստ լուսանկարիչների՝ դա պետք է միասին անել:

Հոգեբանները պնդում են, որ միասին ժամանակ անցկացնելը, միասին ինչ-որ ծեսեր կամ պարտականություններ կատարելն ամրապնդում են հարաբերությունները:

4. Չափից շատ կենտրոնացում հենց հանդիսության վրա

Առանձնապես ծայրահեղ վիճակ է լինում, երբ նորապսակներից մեկը վերահսկողության տակ է պահում հանդիսության բոլոր մանրամասները, միաժամանակ զայրանում է սիրելիի վրա, ով կարծես ոչ ըստ սցենարի է գործում: Այդպիսի ամուսնությունների համար լուսանկարիչները սովորաբար կանխագուշակում են 1-3 տարվա կյանք:

Հոգեբաններն իդեալական հարսանիքի կամ գրանցվելու փաստով տարվածությունը ներառում են պատճառների թվում, որոնցից ելնելով՝ ամուսնանալ պետք չէ: Միշտ պետք է հիշել, հանդիսությունը վերջանում է, մնում է իրական համատեղ կյանքը:

 

5. Հարսի և փեսայի խոսք

Հաճախ է պատահում, որ փեսայի խոսքի ժամանակ հարսի դեմքին ամոթ և սարսափ է լինում: Ոմանք սիրում են հրապարակավ հիշատակել հին վիրավորանքները կամ տհաճ պահերը, վեճերը: ըստ լուսանկարիչների՝ սա լավ ապագա չի կանխագուշակում:

Ուսումնասիրության համաձայն՝ զույգերը, որոնցում մարդիկ գնահատում են իրար, երկարատև և առողջ հարաբերությունների ավելի մեծ հնարավորություն ունեն:

Be the first to comment on "Շուտ բաժանության 5 տագնապալի նշան ըստ հարսանեկան լուսանկարիչների"

Leave a comment

Your email address will not be published.


*


ԴԻՏԵԼ