Փաշինյանը ոչնչացնում է ՀՀԿ-ին մինչեւ վերջին խազը. Նրանք չեն լինելու խորհրդարանում. Մարուքյան

 

 

 

Այսօրվա ընդդիմությունը վաղվա իշխանությունն է, իսկ ՀՀԿ-ն չի կարող լինել ապագա իշխանություն: Այս մասին այսօր՝ դեկտեմբերի 6-ին, «Մոսկվա» կինոթատրոնի մոտ «Լուսավոր Հայաստանի» կազմակերպած հանրահավաքում, լրագրողների հետ զրույցում նշեց կուսակցության ցուցակը գլխավորող Էդմոն Մարուքյանը:

 

«ՀՀԿ-ն չի էլ հեռացել իշխանությունից, Հայաստանի համայնքների կեսը ՀՀԿ-ական գյուղապետեր են: Մարդիկ դեռ չեն հեռացել իշխանությունից, ասում են՝ մենք կարող ենք լինել լավ ընդդիմություն: Վանաձորի քաղաքապետը ՀՀԿ-ից է, այո, դա կարող է ազդել ընտրությունների վրա: ՀՀԿ-ն թալանչիների անուններ չի տալիս: Թող 5 թալանչու անուն ասեն, չեն ասում, զղջման խոսք չկա:

 

 

Ժողովուրդը մերժել է Սերժ Սարգսյանին, հիմա պետք է մերժի Սերժ Սարգսյանի ընկերներին»,-հայտարարեց Մարուքյանը:

Մարուքյանը չհամաձայնեց տեսակետին, ըստ որի Նիկոլ Փաշինյանը անընդհատ քննադատելով ՀՀԿ-ին, հող է ստեղծում, որ ՀՀԿ-ն անցնի խորհրդարան. «Ոչ, ընդհակառակ, ոչնչացնում է նրանց մինչեւ վերջին խազը: ՀՀԿ-ն չի լինելու խորհրդարանում, նրանք այլեւս արտախորհրդարանական ուժ են, որը Հայաստանի բազմաթիվ քաղաքներում ունի մեծ թվով սեփական շենքեր, շինություններ, գրասենյակներ, ռեսուրս»:

 

Ինչ վերաբերում է թալանված գումարները վերադարձնելուն, Մարուքյանն ասաց. «Ես գումարները վերադարձնելու կողմնակից եմ միայն դատական թափանցիկ, օրենքի տառը պահպանելով գործընթացներով»: Այդ ուղղությամբ իշխանությունների ջանքերը Մարուքյանն այսօր բավարար է համարում, սակայն կարծում է, որ դեկտեմբերի 9-ից հետո դրանք բավարար չեն լինելու, քանի որ արդեն Փաշինյանն ունենալու է խորհրդարանական մեծամասնություն:

 

https://news.am/arm/news/484899.html

Be the first to comment on "Փաշինյանը ոչնչացնում է ՀՀԿ-ին մինչեւ վերջին խազը. Նրանք չեն լինելու խորհրդարանում. Մարուքյան"

Leave a comment

Your email address will not be published.


*


ԴԻՏԵԼ